ILOILO CITY – Mahimo na nga mahatag ang mga fire truck sa Western Visayas antes matapos ang tuig 2019.
Sa interview sang Bombo Radyo kay Department of the Interior and Local Government Undersecretary for Public Safety Nestor Quinsay Jr., iya ginpahayag nga nagadangat sa 112 ka mga fire truck ang ihatag sa Western Visayas agud nga mahatagan pa sang igtalupangod kag mas mangin madasig ang pag-responde sa sunog.
Suno kay Quinsay, may yara man sang ginaplano ang ahensya nga dugang ang equipment sang BFP lakip na ang helicopter para sa air fire fighting, fire boats kag ambulansya.
Ini man ang kabahin sang modernisasyon bilang pagpa-uswag pa sa serbisyo sang BFP.
Samtang dugang nga pasilidad naman ang igahatag para sa Bureau of Jail Management and Penology agud nga indi na magginutok ang mga presohan sa pungsod.
