Padayon pa nga ginapangita ang masobra 11,000 ka foreigners nga nag-trabaho anay sa Philippine offshore gaming operator (POGO) hubs.
Ginakonsiderar sila subong nga illegal aliens kag gina-ayam agud dalayon na nga ma-deport sang immigration authorities.
Suno kay Bureau of Immigration (BI) Commissioner Joel Anthony Viado, ginmandu na sini sa intelligence division ang pagpangita sa 11,254 foreign POGO workers nga yara pa sa Pilipinas matapos nagpabungol-bungol sa Dec. 31, 2024 deadline para sa pag-downgrade sang ila nga visas.
Ginsiling sini nga ang manhunt kag deportation proceedings ang maga-cover pati sa mga nagtuman nga mag-downgrade sang ila visa apang wala pa nagbiya sa Pilipinas.
Kabahin sila sang 33,863 ka POGO workers nga narehistro anay sa Philippine Amusement and Gaming Corp. (PAGCOR).
Sa gin-set nga deadline sang immigration authorities, may yara sang 22,609 POGO workers nga nagsunod sa deadline kag nakaguwa na sa Pilipinas.
Gin-athag man sang BI nga obligado ang mga POGO nga i-surrender ang ila foreign workers nga diri pa gihapon sa pungsod bangud kun indi, sila pa ang makasuhan nga nagatago sang illegal aliens.
Base sa nauna nga figures nga gin-release ni Presidential Anti-Organized Crime Commission (PAOCC) chief Undersecretary Gilbert Cruz, may yara pa sang 20,000 foreign POGO workers nga diri pa gihapon sa Pilipinas.
