CHINA – Ang aton mga abyan sa kabuhi ang nagaserbe na nga utod naton.
Sa pungsod China partikular sa Meishan, gindayaw ang 12 anyos nga estudyante sa pag-aba ukon pag-piggybacking sang iya nga classmate nga abyan man niya.
Ini bangud nga si Zhang Ze ang may yara sang myasthenia gravis nga naga-apekto sa iya nga tiil sa diin nabudlayan siya nga maglakat.
Apang nangin maswerte si Zhang sa iya nga abyan nga si Xu Binyang nga nagabulig sa iya sa sulod na sang anom ka tuig sa pagserbe sini nga tiil para sa iya nga abyan.
Si Xu ang nagabulig kay Zhang sa tion nga magkadto ini sa Comfort Room kag magbakal sang iya nga panyaga.
Suno kay Xu, wala sang problema sa iya nga hakwaton ang iya abyan bangud mas dako man ang iya lawas ipaanggid kay Zhang.
Maulan man ukon mainit, masami nga ginasugat ni Xu si Zhang sa school entrance agud nga hakwaton ini pasaka sa hagdan sa diin nahamtang ang ila nga classroom.
Tuman naman ang pagpasalamat ni Zhang sa iya nga abyan bangud wala ini nagareklamo sa paghakwat sa iya kag nahangpan ang iya nga sitwasyon.
