ILOILO CITY- Isa ka 12-anyos nga dalagita ang ginpabusong sang iya nga stepfather sa Supa, San Jose, Antique.
Sa exclusive interview sang Bombo Radyo Iloilo kay Rosemarie Tomacho, lola sang nagbusong nga si alyas Cherry, iya ginpahayag nga nanotaran niya nga nagadako ang tiyan sang iya nga apo.
Suno sa lola, nagduda ini nga nagabusong ang apo kag didto na gin-ako sang menor-de-edad nga may natabo sa ila sang iya nga stepfather nga si alyas Joseph.
Suno pa kay lola Rosemarie, gilayon nila nga gindangop sa pulis kag sa Department of Social Welfare and Development ang natabo sa apo.
Ila ginkakibot nga gin-ako sang dalagita nga may nabatyagan sila sa isa kag isa sang iya stepfather.
Bangud sini, ginkasugtan nalang nga suportahan na lang sang stepfather ang pagbusong sang menor de edad.
Nahibaluan nga ilo na sa ginikanan si alyas Cherry kag ikaduha nga bana naman sang iya iloy ang nagpabusong sa iya.
Sa subong, yara na sa kustodiya ni Lola Rosemarie si alyas Cherry sa Kirayan Sur, Miag-ao, Iloilo.
