Atensyon sa mga kabataan!
Masami ka bala nga gina akigan sang imo ginikanan ilabi na sang imo nga iloy bangud sa napabay-an nga nilabhan nga nakasab-it sa guwa sang inyo nga balay?
Sa Nanning, China, isa ka 12 anyos nga bata ang nagdaog sa regional science and innovation contest sa paghimo sang “automatic clothes drying rack” nga mahimo sab-itan sang nilabhan kag mahimo niya ini nga ma detect ang ulan sa diin automatic nga ginatabonan sini ang mga nilabhan agud nga indi mabasa kag gilayon nga nagabukas kun wala na sang ulan.
Ang ini nga butang ang gindayaw sang madamo nga tawo, apang ang rason sang pag-imbento sang “automatic clothes drying rack” ang mas gina-istoryahan sang kadam-an.
Nadesisyonan sang grade 6 student sa North-East Women’s Education Center nga si Lu Jiezhen nga mag imbento sang nasambit nga nasambit nga butang matapos nga gin-akigan siya sang iya iloy.
Suno kay Lu, naglakat ang iya nga iloy kag gintugyan sa iya ang mga nilabhan sa guwa sang ila balay nga lantaw-lantawon.
Apang si Lu ang nag umpisa sa paghampang sa guwa sang ila nga balay kag nalimtan nga kuhaon ang mga bayo sang gialyon nga nag-ulan.
Sang nakabalik ang iya iloy, natukiban sini nga ang nilabhan nga mala na kuntani ang tuman ka basa sa diin gin-akigan siya bangud sa indi pagsunod sa iya iloy.
Apang sa baylo nga magpangita sang rason si Lu, nadesisyonan na lang sini nga mangita sang solusyon.
Ginbuligan naman si Lu sang iya amay kag mga manunudlo agud nga matigayon ang iya nga gin-imbento.
Bangud sa dedikasyon, nagbunga sang pagdayaw ang iya drying rack sa mga tawo sa pungsod China.
