Patay ang 12 anyos nga bata nga babaye matapos malumos sa creek sa boundary sang Balabag kag Pandac, Pavia, Iloilo.
Ang biktima amo si Angel Marie kag residente sang Barangay Balabag.
Sa interview sang Bombo Radyo kay Russel Jornadal, barangay aid sang Pandac, iya ginpahayag nga naghagaday paligo sa creek sanday Angel Marie kaupod ang iya man mga abyan.
Apang ginkatingala sang mga kabataan nga wala na nakabutwa pa ang biktima.
Samtang nagapangita naman sang plastic nga inug-pakilo ang 15 anyos nga solterito nga si Jomarie Subang, naglumpat ini sa creek agud salumon kag makita si Angel Marie kag natigayon niya ini nga mahakwat pasaka.
Gintinguhaan nga ma-revive sang Pavia Emergency Responders ang bata apang wala na ini natabangan pa.
