ILOILO CITY – 9 ka balay ang naupos samtang tatlo naman ang partially damaged sa sunog nga nagluntad sa Zone 1, Brgy. Cubay, Jaro, Iloilo City.
Bangud sini, temporaryo nga nagatinir sa Barangay Hall ang mga nasunugan nga residente.
Madasig nga naglapta ang kalayo bangud lunsay human sa light materials ang ikit-ikit nga pamalay.
Ginabanta nga masobra sa isa ka oras antes gindeklarar sang Bureau of Fire Protection nga under control na ang kalayo.
Ginahibalo pa kun ano ang ginhalinan kag kun kay sin-o nga balay nagsugod ang sunog.
