Nag-isyu na sang arrest warrant ang Iligan City Regional Trial Court Branch 1 sa 12 ka mga indibidwal may kaangtanan sa pagpang-ambush sa salakyan ni Shariff Aguak Mayor Datu Akmad “Mitra” Ampatuan Sr., sang Enero 2026 gamit ang rocket-propelled grenade (RPG).
Kasunod ini sang ginfile nga kaso ni Ampatuan kag sang resolusyon sang Department of Justice (DOJ) sang Agosto 28 nga may ara sang probable cause agud nga ma-indict ang ginatudlo nga mga suspetsado.
Kabahin sa mga ginasuspetsahan amo sanday Datu Unsay kag Maguindanao del Sur Mayor Datu Andal “Xyril” Ampatuan V.
Nagapangatubang ang mga ini sang four counts of frustrated murder kag multiple violations of Republic Act 11479 ukon ang Anti-Terrorism Act of 2020, Section 4 (Terrorism), Section 6 (Planning, Training, Preparing, and Facilitating the Commission of Terrorism), kag Section 7 (Conspiracy to Commit Terrorism).
Sa subong, wala pa sang ginpaguwa nga statement ang mga gina-akusaran, may kaangtanan sa ginpahayag tuyo sini nga pagpanakit kay Ampatuan.
