MAASIN, ILOILO, – Nagapabilin sa presuhan ang 12 ka manugbulang nga nadakpan sa Brgy. Panalian, Maasin, Iloilo.
Sa interview sang Bombo Radyo kay Police Staff Sergeant Sane Roto, imbestigador sang Maasin Municipal Police Station, iya ginpahayag nga 12 lang ang nadakpan nga nagabulang bangud ang iban ang nakapalagyo.
Suno kay Roto, ang bulangan ang nahamtang sa maligwin nga bahin sang nasambit nga lugar kag wala sang fiesta sang ginpatigayon ang bulang.
Ginpahayag ni Roto nga ang mga residente gikan sa mga kaiping nga barangay ang nagpadulong man sa Brgy. Panalian.
Natigayon nga makuha ang pito ka mga manok sa diin apat diri ang patay na.
Magapangatubang naman ang mga ini sang nagakaigo nga kaso.
