ILOILO CITY – Masobra 2 million nga mga indibidwal halin sa region 12 ang apektado sang Super Typhoon Rolly.
Suno kay National Disaster Risk Reduction and Management Council (NDRRMC) executive director Ricardo Jalad, ang kabug-usan nga indibidwal nga apektado sang bagyo ang nagdangat sa 2,068,085 ukon 372,653 ka pamilya.
Ang mga ini ang naghalin sa Regions I, II, III, CALABARZON, MIMAROPA, V, VI, VII, VIII, IX, Cordillera Administrative Region kag National Capital Region.
Samtang, indi naman magnubo sa 16 ka tawo ang napatay bangud sa malain nga panahon.
Suno sa Office of Civil Defense Region V, sa nasambit nga numero, 10 ang napatay sa Albay kag anom sa Catanduanes.
Ginpahayag naman ni Department of Interior and Local Government (DILG) Sec. Eduardo Año, nga may tatlo pa ka missing.
Dugang pa sang natungdan, posible nga magtaas ang numero sang mga casualties kun wala nagpatuman sang preemptive evacuation sa mga lugar nga gin-agyan sang Bagyo.
