Patay ang 12 ka mga tawo matapos gin-igo sang magnitude 6.3 nga linog ang northern Afghanistan kaina sang aga, Nov. 3.
Base sa US Geological Survey, nag-igo ang linog sa Mazar-e-Sharif, ang puluy-an sang tunga ka milyon nga mga residente.
May kadalumon ini nga 28 kilometers kag ginmarkahan nga orange alert level nga nagakahulugan sang possible nga “significant casualties”.
Ginalauman nga magataas pa ang amo nga numero samtang nagapadayon ang ginapatigayon nga rescue operations.
Nagbilin man ang mabaskog nga pagtay-og sang 180 ka mga tawo nga nasamaran.
Suno kay Taliban spokesman sa Balkh province nga si Haji Zaid, madamo sa mga napilasan ang yara sa Sholgara district, sa southern Mazar-e-Sharif.
