SAN JOAQUIN, ILOILO – 12 ang pilason matapos nagtakilid ang Ceres Bus sa Brgy. Qui-anan, San Joaquin, Iloilo.
Sa interview sang Bombo Radyo kay Police Captain Robert Jayson Pancha, hepe sang San Joaquin Municipal Police Station, iya ginpahayag nga halin sa Libertad, Antique kag nagapadulong na sa syudad sang Iloilo ang bus nga may karga nga 39 ka pasahero sang natabo ang aksidente sa kurbadahon nga bahin sang Brgy. Qui-anan sa banwa sang San Joaquin.
Suno kay Pancha, ang driver sang bus ang ginkilala nga si Vicente Semic Fandagani, 44, kasado sang Brgy. Escalantera, San Joaquin, Iloilo.
Ginpahayag ni Pancha nga isa ka pasahero ang wala sang pangalibutan sang gindala sa hospital kag yara naman sa maayo nga kahimtangan ang mga pilason.
Santo sa initial information, lakip sa mga nagkalapilasan amo sanday Juvy Nietes, Ma. Herma Sevilleno, Rose Sevilleno, Rica Sevilleno, John Vincent Jaruda, Shel Bolante, Maricon Sevilleno, Serafin Lazamot, Jodelyn Mar Jimena, Marty Imbido, Joeven Osorio kag Vince Osorio.
