ILOILO CITY–Tuman nga kalipay ang nabatyagan sang 12 year old ilonggo singer/musician matapos nakasulod sa next round sang Asia’s Got Talent 2019.
Sa exclusive interview sang Bombo Radyo kay Galeno “Rock” Opong, iya ginpahayag nga indi matakos ang iya kalipay matapos nga nakuha niya ang tatlo ka ‘YES’ sang mga hurado nga sanday Davaid foster, Jay Park kag Anggun.
Dugang pa ni Opong, ang Asia’s Got Talent ang labing una nga international kag pinakadako nga talent competition nga iya ginpasakupan.
Ang iya paborito nga ambahanon nga ‘True colors’ ang iya gin-amba sa iya judge’s performance.
Pahayag pa sang 12 anyos nga Ilonggo singer, indi mahapos ang iya inagyan agud makasulod sa next round bangud halos makapila man siya ka beses nga nag-audition bag-o makasulod sa kompetisyon.
Lakip sa iya ginkanta amo ang Are you listening sang hillsong united, dancing on my own kag don’t stop believing.
Sa subong, nmasako na siya sa iya training para sa talent competition agud nga mangin inspirasyon para sa mga bata nga kasubong niya.