Ang mga kabataan masami madamo gid sang pamangkot kag kun kaisa, ila pa ini nga gina-testingan agud mahibaluan kun ano ang mangin resulta ukon sabat sa ila palamangkutanon.
Apang kun kaisa, ang resulta ang indi masami nga positibo.
Kaangay na lang sa isa ka 12 anyos nga bata nga lalaki nga gintulon ang magnet — indi lang isa, duha ukon tatlo kundi 54 gid kabilog agud kuntani iya mahibaluan kun bala magtapik ini sa iya tiyan.
Ginpaidalom sa surgery si Rhiley Morrison sang Manchester matapos nga gintulon sini ang 54 ka mga magnet nga iya ginapahayag bangud sa eksperimento.
Ang bata ang ginapahayag may yara sang ADHD.
Sa pagdumdom ni Rhiley, madala man lang ang mga magnet kun siya ang mag CR rason nga tayuyon ang iya pagtulon sini apang bangud madugay na kag wala sa gihapon nagguwa ang magnet, gilayon niya ginhambalan ang iya iloy.
Nangin tuman ka mabudlay para sa iloy nga makita ang iya anak nga nagakasakitan bangud lang sa iya pag-eksperimento.
Nagtinir si Rhiley sa ospital sang 10 ka adlaw, indi makahulag, nagasululuka, kag sa tube na lang ginpaagi ang iya pagkaon.
Bangud sa COVID-19 mas nangin mabudlay pa ang sitwasyon sang bata bangud ginadumilian ang bisita sa ospital.
Gani sa mga ginikanan dira, bantayan gid sang maayo ang mga kabataan kag kun may yara man sila sang pamangkot, indi gid matak-an sa pagsabat sa ila sang insakto.
