WESTERN VISAYAS – Kabug-osan nga 16 na tanan ang positibo nga kaso sang coronavirus disease 2019 sa Western Visayas.
Sa interview sang Bombo Radyo kay Dr. Mary Jane Juanico, pinuno sang Infectious Disease Section sang Department of Health 6, iya ginpahayag nga may nagdugang nga isa ka pasyente nga nakarekober apang isa naman ang ginbawian sang kabuhi.
Suno kay Juanico, may yara sang 120 ka mga pending test results apang laoman nga subong nga adlaw maguwa ang resulta.
Samtang may yara naman sang direktiba ang Department of Health nga sa tagsa ka probinsya kag ospital, kinahanglan nga may covid facility kag non-covid facility agud nga maakomodar ang iban nga mga pasyente nga may yara sang lain nga balatian.
