Nakahanda na ang deployment sang mga personnel sang Iloilo City Public Order and Safety Management (POSMO) kag Traffic Transportation and Management Office (TTMO) para sa patigayunon nga Uswag Rally sa Gaisano Capital Grounds, Mandurriao, Iloilo City.
Sa interview sang Bombo Radyo kay Retired Police Colonel Uldarico Garbanzos, iya ginpahayag nga ang rally magasugod alas-4 sang hapon kag pagasiraduhon ang dalan sa atubang sang nasambit nga mall.
Suno kay Garbanzos, nagpatuman ma ang talatapan sang coordination meeting kag sang consultation sa lugar nga hiwatan sang aktibidad.
Ginabanta naman nga yara sa 20,000 tubtob 30,000 crowd ang ginalauman nga magatambong sa amo nga kahiwatan.
Gin-ako man sini nga isa sa pagpanghangkat nga mahimo maatubang amo ang parking sang lugar ilabi na nga may mga nagasulod man sa mall kon kagab-ihon.
I-deploy sang POSMO kag TTMO ang 120 ka mga personnel agud bantayan ang dalagan sang trapiko kag ang mga magatambong.
