May record nga 128 ka mga Overseas Filipino Workers (OFWs) ang Public Employment Services Office (PESO) Province of Iloilo, nga mga apektado sang nagapadayon nga kinagamo sa Middle East.
Sa interview sang Bombo Radyo kay Cynthia Dario, head sang PESO-Iloilo Province, iya ginpahayag nga ini nga mga OFWs amo ang yara sa United Arab Emirates (UAE), Qatar, Dubai, kag Kuwait.
Suno kay Dario, halin sa mga banwa sang Pototan, Calinog, San Enrique, kag Guimbal ang yara sa ‘Unsafe Status’ bangud sa mga nabatian sang mga ini nga linupok malapit sa ila lugar.
Nahibaluan nga nagmando naman si Gov. Arthur Defensor Jr. nga indi na maghulat sa datos sang Overseas Workers Welfare Administration (OWWA) kag Department of Migrant Workers (DMW) kag direkta nalang nga magpakig-angut sa mga pamilya sang OFWs sa probinsya pinaagi sa mga Municipal kag Barangay PESO subong man ang pag-activate sang emergency hotlines.
Ginalauman nga magasaka pa ang numero sang mga OFWs nga magapakig-angot sa opisina bangud padayon pa ang pagbaslanay sang mga pungsod sa Middle East.
 ang Public Employment Services Office (PESO) Province of Iloilo, nga mga apektado sang nagapadayon nga kinagamo sa Middle East){kind=link}