Wala ginpahanugotan sang mayorya sang 12th Iloilo City Council ang proposal ni Vice Mayor Lady Julie Grace “Love” Baronda nga magpatigayon sang ‘pre-session’ kada Miyerkules antes sang regular session nga ginahiwat kada alas-10 sa aga.
Sa interview sang Bombo Radyo kay Majority Floor Leader Atty. Rex Marcus Sarabia, iya ginpahayag nga indi na kinahangalan sang mandatory pre-session kung indi lang man mainit ukon komplikado ang mga pagaistoryahan sa tion sang regular session.
Suno kay Sarabia, ini tanan ang ginkasugtan nga desisyon sang mayorya kag ginarespeto niya ini.
Nagpasalig man ini nga inkaso ipatawag gidman sila sang bise alkalde para sa diskusyon maka-attend ini sila apang indi makapasalig nga kumpleto bangud ang iban naga-preparar sa regular session nga alas-10.
