ILOILO CITY – Nagapadayon ang combat operation sang mga soldado agud nga madakpan ang mga myembro sang rebelde nga grupo sang New People’s Army (NPA) matapos ang natabo nga encounter sa tunga sang 12th Infantry Battalion sa boundary sang Barangay Manaribay, Calinog, Iloilo kag Barangay Cabatagan, Lambunao.
Sa interview sang Bombo Radyo kay Capt. Kim Apitong, spokesperson sang 3rd Infantry Division, iya ginpahayag nga nakabaton sang report ang 12th IB nga may yara sang presensya sang rebelde nga nagapangkuha sang pagkaon sang sibilyan.
Gilayon nga nagresponde ang mga suldado kag natabo ang ginabanta pulo ka minutos nga pagbayluhanay sang lupok.
Maswerte nga wala sang may napilasan sa katapo sang army apang posible nga may pilason nga rebelde bangud sa tinulo sang dugo nga nakita sa lugar.
Na-recover ang high powered firearm kag mga dokumento.
Padayon pa ang hot pursuit operation sang mga otoridad.
