Padayon pa nga ginabulong ang isa ka dalagita matapos nakuryente sa Barangay Rumbang, Pototan, Iloilo.
Ang biktima amo si Jona Vargas, 13 kag residente sang Happy Homes Subdivision, Barangay Ilaya Poblacion, Zarraga, Iloilo.
Sa interview sang Bombo Radyo kay Police Staff Sgt. Raffy Gonzales, imbestigador sang Pototan Municipal Police Station, iya ginpahayag nga nagsaka sa rooftop sang gintrabahuan nga restaurant ang biktima sa diin posible nakakapyot ini sa linya sang kuryente.
Naghatag man sung bulig pinansyal ang tag-iya sang restaurant bangud ginapahayag wala mahibal-an kun diin ang ginikanan sang dalagita.
Nasunog naman ang kilid sang tiyan kag mga kamot sang biktima sa diin naghabok pa ang mga tudlo sini.
Nagpakig-angot naman ang Pototan Municipal Police Station sa Zarraga Municipal Police Station agud mapahibalo sa pamilya sang biktima ang natabo sa ila himata.
