BAROTAC NUEVO,ILOILO- Arestado ang apat ka menor de edad kag isa ka soltero nga ginapahayag nag-gang rape sa isa ka dalagita sa Barotac Nuevo, Iloilo.
Sa exclusive interview sang Bombo Radyo Iloilo kay alyas Patrick,19 anyos, isa sa mga suspek, iya ginpahayag nga nagpadulong ang biktima sa ila balay bangud ka- chatmate sang dalagita ang isa man sa mga suspek nga menor-de-edad.
Suno kay Patrick, nagsulod ang biktima sa iya kwarto upod ang apat ka iban pa mga suspek nga naga-edad 16-anyos.
Iya ginpahayag nga didto na natabo ang pagpakighilawas nila sa biktima sa diin ila ini ginbulus-bulusan.
Apang suno sa iya,indi rape ang natabo bangud nagpasugot man ang dalagita.
Suno naman kay Police Capt. Kenn Albert Lepsia, hepe sang Barotac Nuevo Municipal Police Station, iya ginpahayag nga santo sa ila imbestigasyon, Hulyo 10 sang natabo ang ginapahayag paggang-rape apang Hulyo 11 sang gab-i ini sang gindangop ini sa ila sang pamilya sang biktima sa diin gilayon nga nila nga ginpadulungan ang mga suspek nga nagresulta sa pagkadakop sa ila.
Nahibaluan nga ginkuhaan pa sang video sang isa sa mga suspek ang natabo sa diin naglapta na ang nasambit nga video scandal.
Preso na subong sa Barotac Nuevo PNP si Patrick samtang ginpaidalom naman sa paghinakop sang DSWD ang apat ka menor-de-edad nga suspek kag amo man ang 13-anyos nga biktima.
