Gin-report sang World Health Organization (WHO) nga na-verify na sini nga may 13 ka separado nga mga pagpang-atake ang Estados Unidos kag Israel sa mga health infrastructure sa Iran.
Magluwas sini, gina-check sini ang reports nga may apat ka medics nga napatay kag 25 nga napilasan.
Suno kay WHO Director-General Tedros Adhanom Ghebreyesus, luwas sa Iran, may isa man ka pagpang-atake sa Lebanon.
Gindugang pa sang WHO nga apat pa ka ambulansya sa Iran ang nahalitan, kag naguba man ang mga ospital kag health sites bangud sang igo sang missiles malapit sa ginatindugan sang buildings. Bangud sini, may isa ka ospital sa Tehran kun sa diin ginsaylo anay ang mga pasyente.
Sa Dubai naman, temporaryo naman nga indi makahatag sang serbisyo ang WHO logistics hub bangud sang transport restrictions sa Middle East.
Santo naman sa Iranian state media, nagsaka na sa 1,045 ang death toll kag 6,000 ang nakaangkon sang injuries sa lima ka adlaw nga mga serye sang atake sang US kag Israel.
Gin-akusaran man sang Ministry of Foreign Affairs sang Iran nga gin-igu man sang Tel Aviv kag Washington ang 33 civilian sites sa Tehran nga nagalakip sang mga ospital, eskwelahan, residential areas, Tehran Grand Bazaar kag historic nga Golestan Palace complex.#
