ILOILO CITY – Magalawig sang 13 ka oras ang power interruption sa distrito sang Mandurriao sa syudad sang Iloilo sa Oktubre 11, Dominggo.
Santo sa abiso sang MORE Electric and Power Corporation, lakip sa mga rason sang pagluntad sang malawig nga power interruption amo ang assessment kag comprehensive preventive maintenance sang 25/30 MVA Mandurriao substation, parallel corrective maintenance sang Mandurriao feeder 1-5 kag relocation sang 69 KV lines sa atubang sang Iloilo Science and Technology University.
Ang power interruption ang maga-umpisa 4:00 sa kaagahon tubtub 5:00 sa hapon kag lakip sa apektado amo ang
Mandurriao feeders 1-5 ukon (Barangay So-oc, Arevalo kag bilog nga District of Mandurriao magluwas sa Barangay Tabucan kag San Rafael).
Maka-eksperyensya sang power interruption humalin 4:00 kaagahon – 4:30 kaagahon ang mga lugar nga sakop sang Jaro Feeders 1 kag 2 kag La Paz Feeders 2 tubtub 4.
Maka-eksperyensya man sang power interruption humalin sa 4:00 kaagahon – 10:30 sa aga ang portion sang Jaro feeder 2 (Sambag – Lopez Jaena St. – Augustine Groove) kag portion sang La Paz Feeder 4 (Gustilo-Burgos St. tubtub sa Jaro Police Station).
May yara man sang power interruption humalin 10:00 sa aga -10:30 sa aga ang mga lugar nga sakop sang Jaro feeders 1 kag 2 kag La Paz feeders 2 tubtub 4.
