ILOILO CITY- Ginalauman nga indi magnubo sa 13 pa ka port projects sa bilog nga pungsod ang magasugod sang operasyon antes ang Hulyo sa tunga sang ginaantisipar nga shipping demand kag pagbalik sang global trade.
Suno kay Philippine Ports Authority (PPA) General Manager Jay Daniel R. Santiago, ang mga proyekto nga nakompleto na ang nagapreparar sang pungsod nga atubangon ang shipping kag logistical demands gikan sa local kag international players sa short- tubtob mid-term samtang nagabalik na sa normal ang kalibutan.
Ini nagalakip sang Currimao Port sa Ilocos Norte nga gindesinyo agud mag-akomodar sang mas dako nga mgs cruise ships, kag ang Bulan Port sa Sorsogon nga magaserbe nga alternative jump-off point sa Masbate kag Cebu.
Gintumod man sang PPA ang Banago Port sa Negros Occidental kag ang ports sang Baybay kag Palompon sa Leyte, nga ginalauman nga mag- boost sang trade kag turismo sa Cebu kag Bohol.
Suno sa PPA, naggasto ang gobyerno sang P19.87 billion agud makompleto ang 240 port projects sa idalom sang “Build, Build, Build” program.
