Dungan nga nagkalamatay ang masobra 10 mga ido sa duha ka barangay sa Buenavista, Guimaras matapos ginapahayag hungod nga ginpanghiluan sang indi pa matumod nga persona.
Sandig sa impormasyon sang Bombo Radyo, 13 gid ka mga ido ang nahiluan sa Barangay Banban kag Tanag.
Sa interview sang Bombo Radyo kay Jessa Galido, tag-iya sang duha ka napatay nga mga ido, iya ginpahayag nga may ginpangbilin nga nakaputos nga tinapay sa guwa sang ila nga balay nga posible amo ang ginkaon sang ido.
Wala sang ideya ang mga residente kun sin-o ang hungod nga nagpaon sini.
Dugang pa sang ginakahangaw-an sang mga tawo nga basi kun mga bata ang makasapo kag makakaon sa pan-os kag ginapahayag may hilo nga tinapay.
