ILOILO CITY – Isa ang kritikal kag 13 ang pilason matapos gin-arado sang isa ka bus ang may byahe nga Tapaz, Capiz- Iloilo City and vice versa ang 13 ka mga salakyan nga naga-park sa higad sang dalan sa Barangay Gines, Janiuay, Iloilo.
Ang kritikal amo si Christian Alutaya, 23, residente sang Barangay Matag-ub sang nasambit nga banwa kag driver sang angkar-angkar samtang pilason man ang angkas sini.
Ang iban nga 12 ka mga pilason ang ginpangdala sa Federico Roman Tirador Sr. Memorial District Hospital sa nasambit nga banwa nga naka-angkun sa minor nga mga pilas.
Ini amo sanday:
Ang iban pa nga mga napilasan amo sanday:
-Glen Madis, 29, sang Matag-ub, Janiuay;
-Jose Veles, 71, sang SM Villa, Janiuay;
-Rolet Porras, 37, sang Jarden Street, Pototan;
-Norlyn Cubil, 25, sang Gines Patag, Cabatuan;
-Rose Ann Celestial, 21, Gines, Janiuay;
-Ledesma Luceno, Poblacion Ilaud, Lambunao;
-Fatima Romarate, 38, Sto Tomas, Janiuay;
-Jose Archie Cañoso, 50, sang Malusgod, Pototan;
-Alex Billena, 50, sang Gines, Janiuay;
-Niel John Ledesma, 40, sang Poblacion Ilaya Pototan;
-Tracy Marie Borra, 24, sang Bongol, Janiuay;
-Mhecca Ella Lhyza Tan, 17, sang Pandan, Lambunao.
Ang driver naman sang bus amo si Jay-R Yco, 38, residente sang Ajuy, Iloilo kag yara na sa kustodiya sang Janiuay Municipal Police Station.
Sa interview sang Bombo Radyo kay Police Captain Alwin Salmon, chief of police sang Janiuay Municipal Police Station, iya ginpahayag nga nagikan sa Iloilo City ang bus kag padulong kuntani sa Capiz.
Pag-abot sa dulhugon nga lugar, nadula-an ini sang preno gani ginpang-arado ang nagkalain-lain nga mga salakyan nga naga-park sa kilid sang dalan.
Sa subong, wala sang may na-record nga napatay sa amo nga aksidente.
