Nagdangat na sa 13 ka mga tawo ang napatay kag masobra 20 ang missing sa Kerr County, Texas, Estados Unidos sang Amerika matapos ang flash flood nga nagluntad sa isa ka summer camp.
“We have identified 13 fatalities,” suno kay Kerr County Sheriff Larry Leitha. Sunod nga ginkumpirma sini nga may mga kabataan nga nalakip sa ginbawian sang kabuhi.
Dugang sini, “about 23” girls ang “unaccounted for” halin sa Camp Mystic bangud sang baha nga naglab-ot sa 26 ka tapak ukon walo ka metros sa sulod lamang sang 45 minutos sang nagligad nga gab-i. Apang dugang niya, “That does not mean they’ve been lost, they could be in a tree, they could be out of communication.”
Halin sang Huwebes sang gab-i nga mamunog ang pag-ulan sa south-central Texas nga rason sang pag-isyu sang awtoridad sang multiple flash flood emergencies.
Naka-deploy na subong ang 500 ka rescue personnel kag 14 ka mga helicopter agud nga maluwas ang mga biktima. Naga-upod man sa operasyon ang Texas National Guard kag ang US Coast Guard.
