GUIMBAL, ILOILO – 13 sa masobra 130 nga mga na-contact trace sa banwa sang Guimbal, Iloilo ang nag positibo sa COVID-19.
Sa interview sang Bombo Radyo kay Dr. Jay Dorin, Municipal Health Officer, iya ginpahayag nga may yara sang isa ka persona nga naghalin sa syudad sang Iloilo kag nagpadulong sa isa ka barangay sa Guimbal sang Setyembre 25.
Nagpauli ini siya bangud nga pista kag bungkag lalaw sang iya nga himata.
Setyembre 26 sang nagpauli ini balik sa syudad kag Oktubre 1 sang nagpahibalo ini sa iya mga himata sa Guimbal nga nadala ini sa contact tracing.
Oktubre 5 suno kay Dr. Dorin sang nagguwa ang iya resulta nga nagpositibo siya sa COVID-19.
Oktubre 6 sang nagpatigayon sang contact tracing ang local government unit sang Guimbal kag 14 ang na expose sa amo nga COVID-19 positive.
Sa 14 nga mga myembro sang iya pamilya, 6 diri ang nagpositibo sa diin ang isa amo ang LGU employee.
Nagpatigayon sang contact tracing ang banwa kag tatlo naman ang nag positibo sa COVID-19.
Sa tatlo ka mga nagpositibo, liwat nga ginpatigayon ang contact tracing kag natukiban naman ang apat ka mga persona nga nagpositibo sa virus.
