Arestado ang 13 ka undocumented Chinese nationals sa Bataan kadungan sang operasyon sang otoridad kun sa diin nakumpiskar man ang ginaalegar uniporme sang People’s Liberation Army nga amo ang militar sang Chinese Communist Party (CCP) kag People’s Republic of China.
Suno kay Commodore Jay Tarriela, PCG spokesperson for the West Philippine Sea, ang nadakpan nga foreigners ang lunsay crew members sang dredger vessel nga Harvest 89 nga naka-angkorahe sa Mariveles, Bataan.
Sang Martes, ginpahibalo sang agent sang vessel sa PCG nga magahalin na sila kag magasaylo sa masunod nga port of call sa San Felipe sa Zambales para magpatigayon sang dredging operations.
Nagsaka ang mga personnel sang Philippine Coast Guard para sa pre-departure inspection, apang wala sila ginpasulod rason nga naghimo sila sang mas maid-id nga pagpangusisa.
Didto kag nadiskubrehan nga wala sang proper documentation ang mga Chinese kag sang nagdugay, may apat ka undocumented Chinese nationals nga nakit-an nga nagapanago gani 13 ang kabug-usan nga naaresto.
Padalman man sang otoridad ang ila intensyon bangud sa mga uniporme nga nakit-an nga ginaalegar naangot sa militar sang China.
