ILOILO CITY- Patigayunon na sa Lunes, Mayo 2, ang send-off ceremony para sa mga katapo sang Police Regional Office 6 may kaangtanan sa Mayo 9 nga eleksyon.
Sa interview sang Bombo Radyo kay PLtCol Arnel Solis, spokesperson sang Police Regional Office 6, iya ginpahayag nga sa pangkabilugan, yara sa masobra 13,000 ang personnel sang PRO-6 kag tanan sila ang may katungdanan sa pagpaluntad sang kalinong kag katawhay, antes,sa adlaw mismo, kag mangin pagkatapos sang eleksyon.
Suno kay Solis, napang-identify naman ang mga areas kun sa diin mas magatutok ang ila pwersa kag kun diin kwaon ini nga mga personnel nga i-assign sa sini nga mga lugar.
Pahayag ni Solis, may yara man sang pulis sa kada tion nga may ginapatigayon nga Commission on Elections (COMELEC) checkpoint ilabi pa nga kapin 200 na ang nadakpan nga mga gun ban violators kag samtang nagahilapit ang eleksyon, ini nga numero ang mahimo pa nga madugangan.
