Nakaabot na sa Vatican ang tanan nga mga cardinal nga eligible sa pagpasakop sa Conclave kun sa diin iga-eleher ang bag-o nga Santo Papa.
Suno sa Vatican, 133 cardinals na ang nakaabot sa Roma antes pa man pormal nga mag-umpisa nga papal election buwas, Mayo 7.
170 man ka mga Cardinals lakip ang 132 ka Cardinal electors ang nagpartisipar sa eleventh General Congregation sang Lunes sang hapon (oras sa Roma).
Lakip sa gintutukan sang congregation amo ang ethnocentrism sa simbahan kag sosyudad; amo man ang migration, migrants bilang regalo, kag ang importansya sang pagsuporta sa pagtuo sang migrants.
Nadiskusyunan man ang nagapadayon nga mga gyera kag kumplikto sa kalibutan.
Yara man ang Synod on Synodality kag ecclesiology of communion, kag ang commitment kag katungdanan sang cardinals nga suportahan ang bag-o nga Santo Papa.
Myerkules sang hapon oras sa Roma natalana nga mag-umpisa ang Conclave sa sulod sang sirado nga Sistine Chapel agud nga makapili sang lider sang 1.4-billion-member Catholic Church. Duha ka Cardinals nga isa halin sa Spain kag isa halin sa Kenya ang indi makaupod sa conclave bangud sa problema sa ikaayong lawas.
