ILOILO CITY- 13 ka milyon ka mga tawo sa Australia ukon kapin katunga sang populasyon sang pungsod ang napaidalom sa gihapon sa lockdown sa tunga sang outbreaks sang Delta variant sa pila ka mga estado sang pungsod.
Sa interview sang Bombo Radyo kay Bombo International Correspondent Denmark Suede, direkta sa Brisbane, iya ginpahayag nga ang estado sang South Australia ang ginpaidalom sa pito ka adlaw nga lockdown matapos naka- record sang lima ka coronavirus cases samtang ang estado sanf Victoria, sa diin nalakip ang Melbourne, ang nag- extend sang lockdown matapos naglapaw sa 100 ang infected sang delta variant.
Suno kay Suede, wala sang senyales sa paghinay ang bag-o nga infections sa Sydney partikular sa New South Wales nga yara na subong sa ikaapat nga semana sang lockdown matapos nakarecord sang masobra sa 1,000 cases kon sa diin kahapon narecord ang 110 nga bag-o nga local cases,ang third-highest daily total record humalin sang nasugod ang outbreak.
Sa subong, ginabanta nga percent sang populasyon sang Australia ang nakabaton sang isa ka dose sang bakuna samtang 11 percent naman ang fully vaccinated.
Una na nga ginpahayag ni Prime Minister Scott Morrison nga naka-administer ang pungsod sang million doses sa nagligad nga pito ka adlaw, ang labing una nga tion nga nalab- ot ang amo ka damo nga numero sang natublok sa sulod lang sang isa ka semana.
Kon mapabilin ina nga rate, ang tanan nga Australian ang ginalauman nga mabakunahan antes magtakop ang tuig.
