PAVIA,ILOILO- Gindula sang Local Government Unit sang Pavia, Iloilo ang kahangawa sang dugang nga transmission sang Coronavirus disease 2019 (COVID-19) kasunod sang pagpositibo sang 14 ka mga Locally Stranded Individuals sa nasambit nga banwa.
Sa interview sang Bombo Radyo kay Pavia Mayor Luigi Gorriceta, iya ginpahayag nga ang 14 ka mga nagpositibo sa COVID-19 ang kabahin sang duha ka batches sang Locally Stranded Individuals nga nag-abot sang Hunyo 26 kag 27 gikan sa Metro Manila.
Suno kay Gorriceta, pag-abot sa Iloilo, gindiretso sa quarantine facility ang mga Locally Stranded Individuals kag wala na nakasimpon sa iban nga tawo gani wala naman ginkinahanglan pa ang pagpatigayon sang contact tracing.
Nahibaluan nga ang nasambit nga 14 ka mga pasyente ang nalakip sa 91 ka kaso nga nagdugang sa Western Visayas base sa COVID-19 case bulletin No. 108 nga ginpagwa kahapon, Hulyo 12.
