14 ka mga indibidwal sa syudad sang Iloilo, gin-isyuhan sang citation ticket bangud wala nagasuksok sang facemask

ILOILO CITY – 14 tanan ka mga indibidwal ang gin-isyuhan sang citation ticket sang Task Force on Moral and Values Formation sa syudad sang Iloilo bangud sa indi pagsuksok sang facemask.

Sa interview sang Bombo Radyo kay Nestor Canong, pinuno sang Task Force on Moral and Values Formation, iya ginpahayag nga ginlibot sang task force ang bahin sang LaPaz kag Lapuz kag nadakpan ang 14 ka mga indibidwal nga wala nagasuksok ukon indi insakto ang pagsuksok sang facemask sa diin sag-ang ang ginatabonan kag indi ang baba.

Suno kay Canong, ang mga ginpang-isyuhan sang citation ticket amo ang mga residente sang Barangay Jalandoni Estate, Barangay Alalasan, Barangay Aguinaldo kag Barangay Divinagracia.

P500 ang multa sa mga wala nagasunod sa mandatory nga pagsuksok sang facemask.

Dugang pa sang natungdan, kun indi makabayad sang multa sa sulod sang tatlo ka adlaw, may yara sang iban nga konsekwensya nga paga-atubangon ang violator.