Gin-anunsyo sang Department of Agriculture (DA) nga nadugangan pa ang mga probinsya sa pungsod nga nadeklarar nga hilway na sa avian influenza.
Sa memorandum circulars, ginpahayag sang ahensya nga 14 na ka mga probinsya ang wala na sang kaso sang bird flu matapos nagdugang ang Isabela kag Maguindanao del Sur.
Nag-lampas na suno kay DA Secretary Francisco Tiu Laurel ang 90 days halin sang ginpatigayon ang cleaning kag disinfection ended, kag negatibo naman ang resulta sa surveillance activities.
Antes sini, na-deklarar man nga free na sa bird flu ang Camarines Sur, Davao del Sur, Rizal, South Cotabato, Ilocos Sur, Batangas, Capiz, Quezon, Aurora, Ilocos Norte, Pangasinan kag Cotabato.
Agud mabuligan ang apektado nga mga lugar nga maka-recover gikan sa bird flu,matandaan nga nagpaguwa ang DA sang memorandum circular sang November nga nagpahanugot sang commercial use sang vaccines agud malikawan ang daku nga kapierdehan sa ekonomiya.
