Naglab-ot na sa 140 ka mga health workers ang napatay bangud sa Coronavirus Disease 2019 sa Iran.
Suno kay health ministry spokeswoman Sima Sadat Lari, 5,000 sang ila mga doctor kag nurse ang na infect na sang nasambit nga virus.
Nagpangabay man si Iran President Hassan Rohani nga kuntani respetuhon man sang mga tawo ang health regulations nga ginapatuman ilabi na nga madamo sang health workers ang nagkalamatay.
Sa subong, naka rekord na ang pungsod sang 13,410 nga mga gin-bawian sang kabuhi bangud sa COVID-19 samtang 264,561 na ang kumpirmado nga kaso.
