Nagdangat na sa 144 ang patay kag 732 ang nasamaran kasunod sang 7.7 magnitude nga linog nga natabo sa Myanmar subong nga Byernes.
Base ini nga numero sa Myanmar military leader nga si Min Aung Hlaing, apang gindugang sini nga may posibilidad pa nga magsaka ang casualties.
Sa sini nga numero, 96 ang naisip nga patay sa Nai Pyi Taw, 18 sa Saigaing kag 30 sa Mandalay. Sa mga nasamaran, 132 ang yara sa Nay Pyi Taw kag 300 naman sa Sagaing, kag padayon naman nga gina-assess sa iban pa nga mga lugar.
Sa kaiping nga Thailand kun sa diin nabatyagan man ang pagtay-og, tatlo ang kumpirmado nga napatay (as of press time) kasunod sang pag-collapse sang isa ka high-rise building. Santo naman sa Thai deputy prime minister, 81 nga contruction workers ang missing kag padayon pa ang search and rescue operation.
Nag-report naman ang embahada sang Pilipinas sa Myanmar, Thailand, kag Laos nga wala sang Pilipino nga nasamaran kasunod sang natabo. Nag-abiso man ini nga mag-aligmat ang tanan kag magpabilin nga kalmado.#
