Naglab-ot na sa 145 Rice Processing Systems (RPS) ang madinalag-on nga ginpatukod sa bug-os nga pungsod sa sulod sang tatlo ka tuig.
Ini sa idalom sang administrasyon ni Pres. Ferdinand Marcos Jr., suno sa Department of Agriculture (DA).
Makabig nga ini ang pinakadako nga investment sa mga bag-o nga imprastruktura sang bugas sa recent history sa pungsod.
Suno kay Agriculture Secretary Francisco Tiu Laurel Jr., ang proyekto nga ini ang kabahin sang Rice Competitiveness Enhancement Fund (RCEF) Mechanization Program nga ginapatuman sang Philippine Center for Postharvest Development and Mechanization (PhilMech).
Tinutuyo sang programa nga solusyunan ang madugay na nga problema sa kakulangansa mga pasilidad para sa pagpamala kag paggaling sang humay.
