Patay ang 15 ka Islamic State militant group fighters sa military operation sang Estados Unidos sa Anbar sa western Iraq.
Sa amo nga operasyon, anum man ka mga soldado sang Estados Unidos ang nasamaran.
Ginsiling sang US defense officials nga pila sa napatay sa operasyon ang naga-uyat sang posisyon sa liderato sang amo nga militante nga grupo.
Antes ang operasyon, nag-partner ang U.S. Central Command sa Iraqi security forces ilabi na bangud armado ang ISIS operatives sang nagkalain-lain nga weapons, grenades, kag explosive ‘suicide’ belts.
Pahayag pa sang central command, ginhimo ang operasyon para papason ang abilidad sang ISIS nga magplano, mag-organisar, kag magpatigayon sang atake sa mga sibilyan sa Iraq amo man sa mga pumuluyo sang Amerika kag ila mga kaalyado.
Wala sang indikasyon nga may nadalahig nga mga sibilyan sang tion nga ginhimo ang raid.
