ILOILO CITY – Kapin 15 ka mga miyembro sang pamilya sang napatay nga drug lord nga si Richard Prevendido, ang involve man sa illegal drug trade.
Sa impormasyon nga ginhatag sang isa ka pulis nga source sang Bombo Radyo, family tree na ni Prevendido ang pagbaligya kag paggamit sang illegal drugs.
Sa intelligence sang kapulisan, lakip sa mga involve nga himata amu ang mga anak sang drug lord nga sanday John Rey kag Jason, utod sini nga si Abelardo Prevendido mga hinablos nga sanday Beverly Prevendido, Ana Prevendido-Penicilla kag bana nga si Boyet Penicilla.
Pila pa sa mga ini amu sanday Bonifacio Gregori Jr., Troy Prevendido, Ariel Prevendido, Ednie Jimena, Ricardo Orbe Jr., Benith Orbe, Chester Orbe, Neneng Orbe, Arian kag misis nga si Maricel Orbe.
Ginpahayag naman sa Bombo Radyo ni Police Regional Office 6 (PRO-6) director C/Supt. Cesar Hawthorne Binag nga ila na ginahibalo ang mga propiedad ni Prevendido nga ginapahayag nakapangalan sa mga miyembro sang pamilya sini.
Suno kay Binag, ila ginatun-an ang forfeiture sang nasambit nga mga propiedad.