Nagdangat sa 15 ka tawo ang kumpirmado nga napatay sa mass shooting sa bar sa Soweto, South Africa.
Suno sa pulis, gina-imbestigaran na ang reports nga may grupo sang mga lalaki nga nag-abot sakay sa minibus taxi kag nagpangluthang sang mga tawo sa amo nga ilimnan.
Indi man maathag subong kun pila ang suspek apang ginapahayag nga may mga bitbit sila nga rifles kag pistols sang nagpalagyo.
Sa reports sang local media, ginapahayag nga matapos ang natabo nga mass shooting, may sunod pa gid nga shooting incident sa Pietermaritzburg, ginapahayag 500 km southeast sang Soweto, kun sa diin apat ka mga tawo ang napatay.
Isa ang South Africa sa most violent countries sa kalibutan nga may 20,000 ka mga tawo nga gina-murder kada tuig, isa sa highest per-capita murder rates sa bilog nga kalibutan.
