Nagdangat sa 150 ka mga Pinoy ang apektado sang wildfires sa Los Angeles, California sa Estados Unidos sang Amerika.
Suno kay Consul General Adelio Angelito Cruz sang Philippine consulate general sa Los Angeles, ini nga mga Pinoy nga na-displace ang nagatinir subong sa nagkalain-lain nga evacuation centers.
Nagatrabaho man ang gobyerno suno sa consul agud nga mabuligan sila nga makapangita sang long-term housing kasunod sang mandatory evacuation nga ginmandu sang mga opisyal sa California bangud wala pa gihapon napalong ang kalayo.
Magluwas diri, natukiban man nga ang iban nga mga Pinoy nga nasunugan ang undocumented kag ang pila ang may yara lang sang minimal insurance.
Una na nga naghatag sang otorisasyon ang Department of Foreign Affairs sa consulate nga maghatag sang emergency assistance nga tubtub sa $200 ukon masobra P11,700 sa Filipinos nga naapektuhan sang wildfires.
Nahibaluan nga 24 na subong ang kumpirmado nga patay bangud sa amo nga hitabo sa Los Angeles kag madamo pa ang nadeklarar nga missing samtang labi pa nga nagalapta ang kalayo.
(Photo: NBC News)
