Nagdangat sa ginabanta masobra 150 ka mga tawo ang nasamaran matapos naglulumpat halin sa mataas nga mga lugar bangud sa panic kasunod sang 6.2 magnitude nga linog sa Istanbul, Turkey.
Ang sentro sang linog amo ang Sea of Marmara nga malapit sa Silivri nga 70 kilometers (40 miles) sa west sang kapital nga syudad.
Suno kay Turkey interior minister, Ali Yerlikaya, naglawig sang 13 segundos ang linog kag may 51 aftershocks lakip na ang 5.9 magnitude nga amo ang pinakamabaskog.
Pahayag sang Istanbul authorities, wala sang na-rekord nga napatay apang 151 ang injured bangud sa paglumpat.
Wala man sang na-damage nga residential buildings, apang may abandoned building nga nag-collapse sa central Fatih District.
Katapusan nga naigu sang mabaskog nga linog ang Turkey sang Pebrero 2023 kun sa diin nagdangat sa 7.8 magnitude. 50,000 ang patay lakip na ang halin sa northern Syria kun sa diin naapektuhan man sang linog.
