ILOILO CITY – Nagsaka sa 3,895 ang kabug-usan nga numero sang Coronavirus Disease 2019 (COVID-19) sa Western Visayas matapos nga 158 ang nagdugang sa listahan.
As of August 27, 161 gikan sa 1,083 ka laboratory results ang nagpositibo apang 158 lang ang makabig nga new cases kun sa diin 1 sa Antique, 1 sa Capiz, 3 sa Guimaras, 23 sa Iloilo, 34 sa Negros Occidental, 75 sa Bacolod City kag 21 sa Iloilo City.
Naglab-ot naman sa 169 ang nagdugang sa numero sang mga naka-recover kun sa diin 1,872 na ang kabug-usan nga numero samtang nagsaka sa 57 ang numero sang ginbawi-an sang kabuhi matapos nga isa ang nagdugang sa listahan.
Yara na sa 1,967 ang active total cases sa Rehiyon 6.
Sa subong, ang Aklan ang may 9 ka COVID-19 cases, Antique nga may 27, Capiz nga may 38, Guimaras nga may 44, Iloilo Province nga may 392, Negros Occidental nga may 415, Bacolod City nga may 679, Iloilo City nga may 793, ROFs, LSIs kag APORs nga may 1,498 kag 34 ang nalakip sa Tagged to other regions.
