ILOILO CITY – 158 ka panibag-o nga kaso sang Coronavirus Disease 2019 (COVID-19) ang na record sa Western Visayas kun sa diin naglab-ot na sa 4,842 ang kabug-usan nga numero.
As of September 1, 159 gikan sa 1,063 ka laboratory results ang nagpositibo apang isa diri ang nagpositibo sa repeat test.
Sa 158 ka new cases, 1 ang naghalin sa Antique, 5 sa Capiz, 15 sa Iloilo, 41 sa Negros Occidental, 30 sa Bacolod City kag 66 sa Iloilo City.
92 naman ang nagdugang sa listahan sang mga naka-recover kun sa diin nagsaka na sa 2,399 ang kabug-usan nga numero samtang nagsaka sa 78 ang ginbawi-an sang kabuhi matapos nga duha ang nagdugang sa listahan.
Naglab-ot naman sa 2,356 ang total active cases sa Rehiyon 6.
Sa pangkabug-usan, ang Aklan ang may 12 ka COVID-19 cases, Antique nga may 29, Capiz nga may 85, Guimaras nga may 46, Iloilo Province nga may 466, Negros Occidental nga may 497, Bacolod City nga may 1,090, Iloilo City nga may 1,020, ROFs, LSIs kag APORs nga may 1,597 kag 38 ang nalakip sa Tagged to other regions.
