Padayon pa nga ginapangita ang 16-anyos nga estudyante matapos nalumos sa suba sa Brgy. Caranas, Janiuay, Iloilo.
Ang nalumos amo si Francis Rivera Jr.,16-anyos, residente sang Brgy. Damo-ong Janiuay, Iloilo.
Sa interview sang Bombo Radyo kay Police Captain Hector Ayagan, hepe sang Janiuay Municipal Police Station, iya ginpahayag nga upod sang biktima ang anom niya ka mga abyan nga naligo sa suba kag nag-inom-inom makahulubog nga ilimnon.
Suno kay Ayagan, una nagpauli ang apat kag nabilin naman ang tatlo, kon sa diin padayun sila nga nagpaligo.
Dugang pa sang natungdan nga ginsaway pa ang biktima sang iya mga abyan bangud yara na ini sa madalum nga parte sang suba nga ginabanta isa ka layon ang kadalumon.
Nalumos ang estudyante Oktubre 20,2024, alas-3 sang hapon apang ginabanta kaagahon na nareport.
Padayun ang ginaobra nga search and retrieval operation sang mga awtoridad.
