Arestado ang isa ka 33 anyos nga lalaki matapos ginhimuslan ang isa ka 16 anyos nga solterito sa San Rafael, Iloilo.
Ang suspek amo si alias Rey, may asawa, residente sang Barotac Viejo, Iloilo, kag nagatrabaho sa banwa sang San Rafael.
Sa interview sang Bombo Radyo kay Pol. Lt. Mary Jane Panes, officer in charge sang San Rafael Municipal Police Station, iya ginpahayag nga halin ang suspek sa isa ka gamay nga party kag sang naglabay ang biktima, ginbutong niya ini padulong sa madulom nga lugar.
Ginapahayag nga may lagsanay pa nga natabo apang gintayaan sang suspek sang kutsilyo ang solterito.
Ginapahayag nakasinggit pa ang biktima apang malayo ang iban nga kabalayan rason nga wala gid ini nabuligan.
Sang nahimasmasan, nag-ako ang suspek sa nahimo nga krimen apang ginpahayag sini nga tuman lang siya ka hubog rason nga wala na siya nakahibalo sang iya ginhimo.
Ipasaka ang kaso nga Rape subong nga adlaw, Agusto 20.
