Dakop ang isa ka pasahero halin sa Thailand sang mga customs official sa Chhatrapati Shivaji Maharaj International Airport matapos ini masapwan nga may dala nga 16 ka buhi nga mga man-og nga ginsulod sa iya bagahe.
Suno sa pahayag sang mga otoridad sa Mumbai, lakip sa mga nakumpiska nga mga man-og ang mga masami makita sa pet trade, pareho sang garter snake, coastal banded California king snake, rhino rat snake, kag Kenyan sand boa.
Ginklaro sang mga otoridad nga kadam-an sa mga ini indi delikado ukon makamamatay sa tawo.
Gilayon nga gindakop ang nasambit nga pasahero, kag padayon pa ang imbestigasyon nga ginapatigayon sang mga otoridad may kaangtanan sa insidente.
Ginpaguwa man sa social media ang mga litrato sang mga man-og bilang ebidensya sang pagpangdakop.
Indi ini ang una nga kahigayunan nga may nadakpan sa amo nga paluparan may kaangtanan sa wildlife smuggling.
Sang Pebrero, may isa pa ka pasahero nga nadakpan nga nagapasulod sang lima ka Siamang gibbons, nga ginakabig nga endangered species.
Samtang sang Nobyembre sang nagligad nga tuig, dinosena ka mga pagong man ang nakumpiska sa kapareho nga kaso.
Suno sa TRAFFIC, isa ka grupo nga naga-monitor sang wildlife trade, nagadamo ang kaso sang pagpanguha sang kasapatan halin Thailand padulong sa India bangud sang nagataas nga demand sa exotic pets.
Sa sulod sang tatlo kag tunga ka tuig, masobra 7,000 ka kasapatan na ang nakumpiska sa amo nga ruta, kag kapin sa 80% sini nadakpan mismo sa India.
Ginpahanumdom sang mga otoridad ang publiko nga hugot nga ginadumilian ang iligal nga pag-transport kag pagbaligya sang wildlife species.
Ang magalapas sang layi ang magapangatubang sang mabug-at nga penalidad.
Indi ini una nga kahigayunan nga may nadakpan nga wildlife smuggling sa nasambit nga Paluparan.
Sang Pebrero, may isa man ka pasahero nadakpan nga nagpasulod sang lima ka Siamang gibbons nga ginakabig nga endangered species,
Samtang, sang Nobyembre sang nagligad lang nga tuig, dinosena man ka mga pagong ang nakuha sa kapareho nga kaso.
Suno sa grupo nga TRAFFIC nga naga-monitor sang wildlife trade, nagadamo ang kaso sang pagpanguha sang mga kasapatan halin Thailand pakadto sa India, bangud sang nagataas nga demand para sa mga exotic pets.
Sa sulod sang tatlo kag tunga ka tuig, masobra 7,000 ka kasapatan na ang nakumpiska sa amo nga ruta, kag kapin sa 80% sini nadakpan mismo sa India.
Ginpahanumdom sang mga otoridad ang publiko nga hugot nga ginadumilian ang iligal nga pag-transport kag pagbaligya sang wildlife species, kag may mabug-at nga penalidad ang magasupak sa layi.
