Napun-an sang singgit kag kulba ang bisperas sang Paskwa sa Zone 6, Barangay Boulevard, Molo, Iloilo City bangud sang nagluntad nga sunog nga amo ang naglamon sa 16 ka mga balay.
Nag-umpisa ang paglapta sang kalayo pasado 6:00 kagab-i, Disyembre 24.
Santo sa latest data sang City Social Welfare and Development Office (CSWDO), 15 sa sini nga mga balay ang totally burned ukon gintupok gid sang kalayo.
Ini nga mga balay ang ginapanag-iyahan nanday:
- Edmie Agustin
- Vilma Vecida
- Veronica Panaugan
- Ana Salanatin
- Godofredo Sajo
- Rolly Elipid
- Elsie Tabucan
- Ann Villanueva
- Jona Tolentino
- Danny Cordero
- Eduardo Cordero
- Rosalina Vecida
- Harold Garcia
- Eduardo Sajo
Samtang, partially burned naman ang balay nga ginapanag-iyahan ni Thomas Sicada.
26 tanan ka mga pamilya ang nagapuyo sa sini nga mga balay.
May isa man ka residente nga nakaangkon sang minor injury matapos ginaalegar nga nakuryente.
Sa interview sang Bombo Radyo kay Punong Barangay Virgilio Villanueva, iya ginpahayag nga may nagtig-ang kag naghingagaw luto sang pagkaon apang napabay-an amo nga naglapta ang kalayo.
Sa inisyal man nga impormasyon, naghalin ang sunog sa balay ni Ana Salanatin.
Nagapadayon pa subong ang imbestigasyon sang Iloilo City Fire Station.
