Ginkakas na sa puwesto ang 16 ka mga pulis kalakip na ang ila nga hepe matapos nga ma-involve sa ‘drinking session’ sa ila ‘Christmas party’ sa sulod sang police station sa Dolores, Eastern Samar.
Suno kay P/Lt.Col.Analiza Armeza, spokesperson sang Police Regional Office (PRO) 8, may ranggo nga Police Captain ang hepe sang Dolores Municipal Police Station.
Ginkakas ang hepe bangud sa prinsipyo sang ‘command responsibility’ nga ginapatuman sang organisasyon.
Base sa imbestigasyon, natabo ang insidente samtang naka-duty ang mga pulis sang Disyembre 15.
Ang pag-inom sang makahulubog nga ilimnon samtang yara sa duty ang hugot nga ginadumilian sa mga police premises sa idalom sang regulasyon kag protocols sang PNP.
